Við fáum aldrei nóg af góðum húsráðum, er það nokkuð?
Þrífðu heimilistæki úr burstuðu stáli með spritti – helltu dálitlu spritti í bómullarhnoðra og strjúktu yfir stálið. Þetta fjarlægir jafnvel erfiðustu bletti.
Sjá einnig: 8 ómissandi eldhúsráð fyrir þig
Settu trésleif yfir pottinn á meðan þú sýður til dæmis pasta, spaghettí eða hrísgrjón. Sleifin kemur í veg fyrir að það sjóði upp úr.
Er súpan of söltuð? Settu hráar kartöfluskífur út í pottinn, epli gera líka sama gagn. Láttu súpuna sjóða í 10 mínútur og leyfðu kartöflunum (eða eplunum) að sjúga í sig saltið – veiddu síðan upp úr súpunni.
Geymdu púðursykurinn í frysti – þá harðnar hann síður. Svo má einnig geyma brauðsneið eða eplabita í sykurpokanum – það gerir sama gagn og frystihólfið.
Sjá einnig: 15 hlutir til að gera eldhúsið skemmtilegra
Var afgangur af ostunum eftir saumaklúbbinn eða veisluna? Það má vel frysta slíka afganga og bera fram síðar. Pakkaðu ostunum vel og vandlega í upprunalegar umbúðir og svo þétt inn í plastfilmu. Frystu og njóttu seinna.
Settu nokkur hrísgrjón í saltstaukinn til þess að koma í veg fyrir að saltið fari í klumpa.
Sjá einnig: Fersk ráð fyrir hörundið: Lífrænir maskar beint úr eldhúsinu
Ekki aðskilja bananana í ávaxtaskálinni. Þeir eru talsvert lengur að verða svartir ef þeim er leyft að hanga saman.
Er kampavínið orðið flatt? Ekki hella því, hentu 2-3 rúsínum ofan í flöskuna – voilá, það freyðir á nýjan leik.
Hafðu alltaf þurran eldhúspappír í botninum á grænmetisskúffunni. Pappírinn dregur í sig vökva og grænmetið heldur ferskleika sínum mun lengur.
Viltu vita hvort eggin þín eru gömul eða ný? Skelltu egginu í glas af vatni – ef það sekkur þá er það nýtt og ferskt en ef það flýtur þá er það orðið gamalt.
Sjá einnig: Fimm undursamleg fegrunarleyndarmál sem má laga í eldhúsinu
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
