Bílstóllinn er of laus í bílnum
43% foreldra gera þessi mistök
Ráð: Gríptu í sætið þar sem það er fest í bílinn og togaðu. „Sætið á ekki að hreyfast um meira en 2-3 cm þegar þú togar í það,“ segir Benjamin Hoffman læknir, sem hefur gert rannsóknir á öryggi barna.
Bílsætið hallar ekki rétt
34% foreldra gera þessi mistök
Ráð: „Öll sæti sem eiga að snúa aftur eru hönnuð þannig að þau halla í 30-45°,“ segir Benjamin. „Sum sæti eru með hallamál eða límmiða sem hjálpar þér að láta sætið vera í réttum halla í bílnum.“ Ef það er erfitt fyrir stólinn að haldast í réttum halla, notaðu þá upprúllað handklæði eða eða sund„núðlu“ til að ná réttum halla.
Öryggisbeltið er ekki fast
23% foreldra gera þessi mistök
Ráð: Togaðu vel í öryggisbeltið svo þú sjáir að það sé almennilega spennt og það mun líka halda stólnum betur þegar þú sleppir
Það er ekkert pláss milli bílstólsins og framsætisins
17% foreldra gera þessi mistök
Ráð: „Margir framleiðendur bílsæta segja að framsætið ætti ekki að snerta bílstólinn,“ segir Benjamin. „Færðu því framsætið fram svo það séu um 4 cm á milli þess og bílstólsins.“
Beltið í stólnum er of laust
69% foreldra gera þessi mistök
Ráð: Vertu viss um að beltið í stólnum sé vel fast: „Þú átt rétt svo að geta smeygt fingrunum undir beltið á axlasvæðinu,“ segir Benjamin.
Plastið fyrir ofan smelluna er of neðarlega
34% foreldra gera þessi mistök
Ráð: Þetta plast er þarna til þess að beltið renni ekki fram af öxlum barnsins. Það ætti að vera staðsett á brjóstkassanum, í línu við handakrika.
Þú hefur bætt við hættulegum aukahlutum
20% foreldra gera þessi mistök
Ráð: Ekki kaupa aukahluti, eins og teppi, púða, spegla og fleira, sem hafa ekki verið prófaðir og samþykktir af framleiðanda stólsins.
Beltið í stólnum er of hátt
18% foreldra gera þessi mistök
Ráð: Beltið á að koma í gegnum göt sem eru staðsett við eða rétt fyrir neðan axlir barnsins og á að varna því að barnið þrýstist upp úr stólnum.
Þú kannt ekki að stilla beltið í stólnum
15% foreldra gera þessi mistök
Ráð: Ef það þarf að stytta eða lengja beltið í stólnum eru margir foreldrar sem kunna það ekki. Sem betur fer eru yfirleitt límmiðar eða bæklingar með útskýringar með stólunum sem þú getur skoðað og það er betra að gera það, en að stofna öryggi barnsins síns í hættu.
Heimildir: The Stir
