Aretha Franklin (72) söng stórsmelli Adele í beinni hjá Letterman

Aretha Franklin kann að vera komin til ára sinna, en gamla sálardrottningin sýndi og sannaði svo um munaði að hún hefur engu gleymt þó elli kerling hafi sett sitt mark á hana. Hún sveif léttstíg að hljóðnemanum og reif nær þakið af húsinu í myndveri The Ed Sullivan Theater fyrr í þessari viku með raddstyrk sínum, sjálfsöruggri framkomu og dúndurmelódískum flutningi á smelli Adele; Rolling In The Deep.

Það var sem enginn endir ætlaði að verða á fagnaðarlátum gesta í myndveri, en Aretha var gestur David Letterman og þá er aðeins einni spurningu ósvarað; ætli þær Adele og Aretha eigi eftir að sameina krafta sína í hljóðveri áður en langt um líður?

 

SHARE