Allt benti til þess í sumar að þegar tónleikaferðalag Beyonce og Jay-Z væri á enda myndu þau fara sína leið og sækja um skilnað. Nú þegar síðustu tónleikarnir eru búnir virðist þó allt vera á uppleið hjá hjónunum en þau er sögð hafa endurnýjað hjúskaparheitin sín á afmæli söngkonunnar.
Samkvæmt tímaritinu Grazia endurnýjuðu þau heitin í lítilli athöfn á meðan þau voru í sumarfríi á eyjunni Korsíka á 33 ára afmælisdegi Beyonce. Fjölmiðlar telja að þetta sé tilraun þeirra til að reyna aftur á hjónabandið eftir erfitt sumar.
Slúðursíðan TMZ greindi svo frá því á dögunum að Jay-Z og Beyonce séu að íhuga að kaupa sér glæsivillu í Beverly Hills sem kostar rúmlega 10 milljarða. Fasteignin hefur að geyma 8 svefnherbergi, 15 baðherbergi og 16 bíla bílskúr svo það ætti að fara vel um litlu fjölskylduna í þessari glæsilegu villu.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
