Maddie Ziegler, brjálaða litla stúlkan sem gerði garðinn frægan gegnum sjónvarpsþáttinn Dance Moms – treður nú upp í þriðja myndbandinu við nýútkominn poppsmell tónlistarkonunnar SIA.
Sjá einnig: 11 ára gömul vekur athygli með sturluðum dansi í myndbandi SIA
Barnið, sem alltaf er með sömu hárkolluna í öllum myndböndum við tónlist SIA, verður stöðugt brjálaðra í hverju myndbandinu og nú spilar Maddie á tilfinningaskala taugaáfalls með andlitinu einu saman – í stað þess að stíga manísk dansspor.
Áður fór Maddie með aðalhlutverkin í myndböndunum Chandelier og Elastic Heart, en að þessu sinni sýnir myndavélin nærmynd af Maddie litlu með ljósu hárkolluna þar sem hún – sem áður sagði – virðist missa vitið við poppsmellinn Big Girls Cry.
Sjá einnig: 12 ára stígur stórskrýtna búrglímu í nýju lagi Sia
Maddie hefur ófá glennusporin tekið við tónlist SIA en í þetta skiptið eru það andlitsgrettur og hljóðlaus óp sem gera barnið að eins kyns draumaveru með ljósu hárkolluna og er óhætt að segja að SIA spanni allan tilfinningaskalann með Maddie litlu, sem er aðeins 12 ára að aldri:
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
