Leikkonan Kate Winslet, 38 ára, prýðir forsíðu nóvember tölublaðs Vogue og í blaðinu er opinskátt viðtal við hana. Þessar fallegu myndir af henni voru teknar af Mario Testino, en eins og sést er Kate ófrísk núna af sínu þriðja barni.
Kate hefur alltaf sýnt mikinn metnað í vali á hlutverkum sínum og margir vilja meina að hún sé ein besta leikkona okkar tíma. Hún hefur gengið þrisvar sinnum í hjónaband og eins og fyrr segir á hún von á sínu þriðja barni, en hún á tvö frá fyrri samböndum. Kate er gift Ned RocknRoll.
„Fólk segir við mig: Aumingja börnin, þau hljóta að hafa gengið í gegnum svo marg! En ég segi við þau: Segir hver?,“ segir Kate við þá sem hafa gagnrýnt ástarmál hennar.
„Þau hafa alltaf verið hjá mér. Þau eru ekki á neinum flakki eða eru send með flugvélum með barnfóstrum hingað og þangað. Það hefur aldrei gerst! Börnin mín búa hjá mér og þannig er það!“ segir Kate.
Kate segir börn sín eiga í góðu sambandi við feður sína en segist samt sem áður, skiljanlega, vera glöð yfir því að börnin búi alfarið hjá henni.
