Hin 41 árs gamla Cameron Diaz er í dúndur formi þessa dagana, en hún er þekkt fyrir stæltan líkama sinn sem fær einmitt að njóta sín mikið í kvikmyndinni The Other Woman.
Cameron Diaz og tónlistarmaður Benji Madden hafa nýlega opinberað ástarsamband þeirra en þau eyddu síðustu helgi í Flórída þar sem þau fögnuðu þjóðhátíðardegi Bandaríkjamanna og nutu sín á ströndinni.
Nýlega lýsti Benji því yfir í útvarpsviðtali að hann væri heppinn að fá að vera með Cameron. Þau hafa þekkst alveg frá því Cameron átti í ástarsambandi við Justin Timberlake.
Þrátt fyrir endalausar slúðurfregnir um það að Cameron gangi með barni þá hefur leikkonan nú þaggað niður í öllum þeim orðrómum og gefið það út að það sé ekki í kortunum hjá henni að eignast börn. Hún segir það of mikla ábyrgð sem hún kjósi að sleppa.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
