Dásamlegar Daim smákökur

Þessi unaður er frá Gotterí og gersemar en þar má finna uppskriftir að allskyns gotteríi.

 

Daim smákökur

  • 150 gr smjör við stofuhita
  • 75 gr sykur
  • 75 gr púðursykur
  • 1 egg
  • 225 gr hveiti
  • 1 tsk matarsódi
  • ½ tsk salt
  • 130 gr saxað daim
  • 50 gr suðusúkkulaði (til að skreyta með)

  1. Hitið ofninn í 180°.
  2. Þeytið saman báðar tegundir af sykri og smjör þar til létt og ljóst.
  3. Bætið því næst egginu út í og hrærið vel.
  4. Hveiti, matarsóti og salt fer næst í blönduna og að lokum saxað Daim súkkulaðið.
  5. Mótið um 20 kúlur og pressið þær örlítið niður á bökunarplötu klædda bökunarpappír.
  6. Bakið í um 15-18 mínútur og kælið.
  7. Bræðið þá suðusúkkulaðið og setjið í lítinn zip-lock poka. Klippið lítið gat á eitt hornið og „drizzlið“ yfir kökurnar til skrauts.

Þessi uppskrift er einföld og góð og þessar kökur voru ekki lengi að hverfa!

 

Gotterí og gersemar á Facebook.

 

Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.

SHARE