Í þessum draumkennda tískuþætti, sem hin sextán ára gamla Annalisa Hartlaub hannaði, má bera tísku undanfarinna áratuga augum en hún tók sér á hendur draumkennt ferðalag gegnum tískusögu undanfarinna hundrað ára með þeim árangri sem myndirnar segja hér að neðan.
Það er Annalisa sjálf sem situr fyrir á öllum ljósmyndunum og leikur sér skemmtilega að tækninni sem svarar spurningunni: “Hvernig hefði ég litið út, ef ég hefði verið upp á öðru tímaskeiði?”
Öll tímaskeiðin spanna jafnt tísku þeirra efnuðu og svo aftur hina óbeisluðu götutísku, en Annalisa segir í inngangi að verkefninu sjálfu á vefsíðu sinni, að hún hafði alla tíð hrifist af jaðarmenningu og svo athyglisverðum birtingarmyndum stéttaskiptingar.
Annalisa, sem í viðtali við Huff Post sagðist hafa gert seríuna i tengslum við skólaverkefni, viðurkenndi jafnframt að tískusagan væri henni jafn hugleikin og áhugi hennar á ólíkum menningarheimum. “Svo ég ákvað að tengja þann áhuga minn við ástríðu mína fyrir tísku, förðum og ljósmyndun til að skapa eitthvað skemmtilegt.”
Hér að neðan má sjá tímaflakk Önnulisu Hartlaub gegnum undangengna öld:
1920
1930
1940
1950
1960
1970
1980
1990
2000
2010
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
