Það er fátt betra en rjúkandi heitar brauðbollur á laugardags- eða sunnudagsmorgnum. Já eða bara með kaffinu! Þessi uppskrift að grófum bollum er í senn einföld, fljótleg og mjög ljúffeng. Auðvitað eru þær bestar beint úr ofninum en samt alveg góðar daginn eftir líka.
200 gr. fínt spelt
100 gr. heilhveiti
50 gr. hveitikím
100 gr. haframjöl
3 tsk vínsteinslyftiduft
½ tsk salt
30 gr. sesamfræ
30 gr. sólblómafræ
30 gr. graskersfræ
4 dl ab mjólk
1 msk ólífuolía
Egg til penslunar
Aðferð
1. Setjið öll þurrefni saman í skál og hrærið.
2. Bætið AB mjólkinni við ásamt olíu og hrærið áfram þar til deigið hættir að klístrast við skál eða putta. Gott er að bæta henni í dl fyrir dl til að sjá hvort þið þurfið minna eða meira af henni.
3. Hnoðið á borði og mótið 8-9 meðalstórar bollur.
4. Penslið með eggi og dreifið sesam- og/eða graskersfræjum yfir.
5. Bakið í 180 gráðu heitum ofni í 20-25 mínútur eða þar til þær verða fallega brúnar.
Birna er tvítug Reykjavíkurmær. Hún er stúdent frá Verzlunarskóla Íslands og hefur mikinn áhuga á mataræði og heilbrigðum lífsstíl. Birna stundar Boot Camp, hlaup og lyftingar af kappi. Hún er dugleg að takast á við krefjandi áskoranir og leika lausum hala utan þægindarammans. Hvort sem það er utanvegahlaup, kraftlyftingar, þrekkeppnir eða annað í þeim dúr. Birna mun deila uppskriftum úr eigin tilraunaeldhúsi með lesendum Hún.is ásamt því að skrifa skemmtilega og upplífgandi pistla er snúa að heilbrigðum lífsstíl og sjálfsrækt.
