„Ég er herramaður og sem herramaður veit ég að nei þýðir nei, hvenær sem það er sagt.“

Vefmiðillinn Knuz.is birti grein í dag sem vakið hefur mikla athygli. Greinin er ádeila á þá ákvörðun þjóðhátíðarnefndar að fá Gillz eða Egil Einarsson til að sjá um Húkkarallið í kvöld. Í greininni eru tekin saman ummæli úr Biblíu fallega fólksins sem Egill skrifaði árið 2006. Þú getur séð greinina hér en meðal þeirra ummæla sem birtust í bókinni voru:

„Ef þið komið á fimmtudegi drífið þið ykkur að sjálfsögðu á húkkaraballið og reynið að húkka ykkur eitthvert hágæða ílát. Ef þið tímið ekki að fara inn á ballið sjálft get ég samt upplýst ykkur um að ég þekki menn sem hafa orðið lucky bara með því að hanga fyrir utan.“

„Þú getur verið með alveg impressive bjórvömb en samt fundið þér sómasamlegt ílát.“

Fólk hefur miklar skoðanir á þessu og Kristján Logason nokkur sagði sína skoðun á Facebook í dag. Hann birti eftirfarandi ummæli:

„Ég er Herramaður ekki hortittur

Ef hér væri á ferð persóna í skáldsögu væri það eflaust ein ógeðfeldasta persóna Íslenskra skáldsagna með eina svæsnustu frásögnina sem um getur.

En nei þetta var útlitsdýrkandi að tala um fallegafólkið og fína hegðun, hegðun og hugsanahátt sem ég hvergi í heiminum hef orðið vitni að nema hjá sérstöku Íslensku strákagengi og hef ég þó hitt fyrir marga. 

Er nema von að um mann fari hrollur við þennan lestur
Viðhorfið til kvenna sem fram kemur er svo forkastanlegt að nær ekki neinu tali og manni verður í raun fyrst og fremst óglatt yfir þessum lestri.
Þessu er svo hampað affjölm iðlum, Vestmanneyingum og fleirum sem einhverri skemtanafíguru. Mér finnst það ekki fyndið. Mér finst það sorglegt. Eiginlega bara grátlegt, jafn grátlegt og öll gilzenslepjan í heild

Ég er Karlmaður. Ég afsala mér hlutdeild í svona hugsanagangi. Ég afsala mér þeim titli að vera sömu manngerðar. Ég afsala mér þeim vafasama heiðri að vera spyrtur við sama kynferði og þessi einstaklingur.

Ég er Karlmaður ekki hortittur. Ég er herramaður og sem herramaður er ég flottur en ekki fífl. 
Sem herramaður ber ég virðingu fyrir konum og lífinu og geri mér grein fyrir því að þær eru jafningjar ekki juðtæki. 
Ég ber virðingu fyrir náunganum og nýði hann ekki í skóinn fyrir það hvernig honum fellur að vera.
Ég er herramaður og sem herramaður veit ég að nei þýðir nei, hvenær sem það er sagt. 

Hvað með þig ert þú Herramaður eða hortittur.“

SHARE