1. Bananar
Þér finnst þeir kannski þungir en þeir þyngja þig ekki. Bananar eru uppfullir af trefjum og kalíum, sem dregur úr vökvasöfnun.
2. Kantalópa
Þessi appelsínugula melóna er uppfull af kalíum, lág í kaloríufjölda og há í vatni. Þú kemst því upp með að borða helling af henna.
3. Grænblaða grænmeti
Grænkál, spínat og kál eru lág í kaloríum, uppfull af trefjum og hafa vatnslosandi áhrif.
4. Ólífuolía
Það er reyndar ekki vísindalega sannað en talið er að litlir skammtar af ólífuolíu geti haft góð áhrif á þyngdaraukningu í kringum magann. Olíusýran aðstoðar við niðurbrot fitu.
5. Gróft brauð
Það vita allir að forðast á hvítt brauð, en gróft brauð er troðfullt af trefjum sem halda blóðsykrinum í góðu jafnvægi.
6. Ætiþistlar
Í einum meðalstórum ætiþistli eru 7 grömm af trefjum. Það gera um 30% af ráðlögðum dagsskammti!
7. Avókadó
Uppfullt af hollri fitu. Maukaðu það niður og notaðu ofan á brauð eða skerðu út í salat. Getur ekki klikkað.
8. Brún hrísgrjón
Flókin kolvetni sem taka langan tíma að melta og halda seddutilfinningunni í lengri tíma. Skiptu út þessum hvítu og borðaðu brún!
9. Hafrar
Leynivopnið í höfrum eru trefjar. Skelltu smá kanil út á hafragrautinn og þú slærð tvær flugur í einu höggi – góður skammtur af trefjum og minni sykurlöngun.
10. Lífrænt jógúrt
Uppfullt af góðri bakteríuflóru sem stuðlar að góðri magaheilsu og heldur meltingunni í góðum málum.
11. Feitur fiskur
Lax og makríll er t.d. fiskur sem er uppfullur af omega 3 fitusýrum sem hefur gríðargóð áhrif á líkamann.
12. Epli
Nýleg könnun leiddi í ljós að eplaát fyrir máltíð leiðir til þess að þú borðar minna, af því epli eru uppfull af mettandi trefjum.
13. Agúrkur
Agúrkur eru lágar í kaloríufjölda, harðar undir tönn og uppfullar af vatni. Allt saman frábærir kostir.
14. Tómatar
Tómatar eru uppfullir af kalíum og draga úr vökvasöfnun.
15. Ber
Ber eru trefjarík og full af andoxunarefnum. Og lág í kaloríum. Skelltu þeim út á hafragrautinn.
16. Sellerí
Sellerí er mjög vatnsríkt og hjálpar til við að losa líkamann við óþarfa vökva.
17. Aspas
Aspas inniheldur kalíum. Borðaðu hann hráan eða nuddaðu smá salti og pipar og olífuolíu á hann og hentu á grillið.
18. Eggaldin
Eggaldin eru lág í natríum og innihalda mikið vatn, en þessi blanda hjálpar til í baráttunni við vökvasöfnun.
19. Vatnsmelóna
Gjörsamlega stútfull af vatni og mjög svo frískandi.
20. Möndlur
Möndlur eru hlaðnar próteini og því mjög góður naslkostur síðdegis. Haltu þig við ósaltar og náttúrulegar og ekki borða meira en 30gr.
21. Egg
Hið nýjasta í eggjaáti er að tvö egg í morgunmat hjálpa til við að halda matarlystinni í skefjum.
22. Rækjur
Rækjur, eins og egg, halda matarlystinni í skefjum. Þær innihalda einnig mjög fáar kaloríur, þannig að þá má alveg borða vel af þeim.
23. Sítrónuvatn
Vatn heldur vökvasöfnun í lágmarki og sítrónur róa meltingarkerfið. Saman er þetta stórgóð leið til að byrja daginn.
Grein birtist fyrst á www.redbookmag.com
