Fékk ekki tækifæri vegna sérþarfa sinna

Öll börn eru falleg, en því miður er samfélagið stundum að senda frá sér önnur skilaboð. Þegar Meagan Nash fór með 16 mánaða son sinn, Asher, í prufu fyrir OshKosh B’Gosh, vissi hún ekki hvort hann yrði valinn eða ekki. Henni datt hinsvegar ekki í hug að honum yrði vísað frá af því hann er með Downs heilkenni. Það er nákvæmlega það sem gerðist.

Meagan var sagt að Asher kæmi ekki til greina fyrir þetta verkefni af því „að þau hefðu ekki verið að leita að barni með sérþarfir.“

Sem betur fer eru ekki allir á sama máli og eftir að Meagan deildi þessari reynslu á Facebook fékk hún stórkostleg viðbrögð. Hún hefur fengið hvorki meira né minna en 59.000 hafa líkað við færsluna og henni hefur verið deilt 79.000 sinnum.

Sjá einnig: Olivia Wilde leikur í myndbandi fyrir downs heilkenni

 „Ég myndi vilja að OshKosh myndi hitta son minn og sjá það sem við sjáum í honum,“ sagði Meagen í samtali við The Mighty. „Mig langar ekki að þeir noti hann í auglýsingar af því við erum að gera eitthvert fjaðrafok á internetinu. Mig langar að þeir noti hann af því þeir sjá hvað er mikið varið í hann. Börn með Downs og aðrar fatlanir eru frábærar manneskjur og ég vildi að OshKosh myndi leggja sitt að mörkum til að breyta viðhorfi heimsins.“

Hér getið þið líkað við færsluna og hjálpað til við að deila og vekja athygli á þessu.

 

Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.

SHARE