,,Fish and chips“ með jógúrtsósu

Fish and chips er réttur sem ætti að vera mörgum kunnugur, enda afar vinsæll skyndibiti víða um heim. Það má alveg deila um hollustuna en bragðið – ó, það er gjörsamlega ómótstæðilegt. Uppskriftin er fengin af Gulur, rauður, grænn & salt.

Sjá einnig: Gratineraður fiskur á hrísgrjónabeði

f2-700x466

Franskar
4 stórar bökunarkartöflur
4 msk olía
salt og pipar

Fiskur
2 stór þorskflök
250 ml bjór (má skipta út fyrir pilsner)
½ tsk lyftiduft
sjávarsalt og pipar
1 l steikingarolía

Jógúrtsósa
1 dl majones
1 dl hrein jógúrt
2 msk kapers, saxaður smátt
1 tsk dijonsinnep
safi úr hálfri sítrónu
fersk steinselja, söxuð smátt
salt og pipar

  1. Skrælið kartöflurnar og skerið í franskar. Setjið í poka ásamt 4 msk olíu og sjávarsalti og hristið saman. Setjið á bökunarplötu með smjörpappír inn í 220° heitan ofn með blæstri. Hafið þær inni í 30-45 mínútur og hrærið reglulega í þeim og fylgist með því að þær brenni ekki.
  2. Blandið hveiti saman við lyftiduft og kryddið vel með salti og pipar. Hærið bjór saman við þar til deigið er orðið lint og fljótandi. Látið það standa í um 30 mínútur.  Skerið á meðan fiskinn í stykki og blandið sósuna.
  3. Hitið olíu þar til hún er farin að sjóða og látið þá fiskstykki út í og látið sjóða þar til þau hafa fengið fallega gullin lit og eru orðin stökk. Takið þau þá úr olíunni t.d. með gataspaða. Stráið með sjávarsalti og látið fiskbitana á eldhúspappír í smá stund.
  4. Hrærið öllum hráefnunum saman, smakkið til og bætið við hráefnum eftir þörfum.

Berið réttinn strax fram með frönskum, jógúrtsósu og sítrónubátum.

SHARE