Fjögur freistandi og funheit naglasett frá sjálfri Beyoncé

SHARE

Vegir Beyoncé eru með öllu órannsakanlegir, en ekki fyrr hefur poppdívan gefið út tvo nýja metsölusmelli, farið fram úr tilnefningum Dolly Parton til Grammy verðlauna en dívan setur á markað glæsta naglalínu í öllum regnbogans litum í samvinnu við Lisu Logan og snyrtistofuna NCLA, sem hefur löngum sinnt handsnyrtingu söngkonunnar.

.

beyonce gif1

.

Mynstrin, sem eru tilvísun í köflóttu skyrtuna sem Beyoncé klæddist í myndbandinu Flawless, regnbogamynstrin sem sjá mátti bregða fyrir í myndbandinu Blow og glitrandi Tom Ford undirfatnaðinn og netsokkabuxurnar sem söngkonan klæddist á sviði við afhendingu MTV Music Awards 2014 – að ógleymdu götukrotinu sem sjá mátti í myndbandinu H-Town Vicioius er öll að finna í seríunni, sem telur fjögur mynstur alls.

.

beyonce gif2

.

Ef frá er dreginn sá örskammi tími sem tekur að smella nöglunum á, er hönnunin öll gerð með það í huga að sem skemmstan tíma taki að ganga frá þeim. En eins og Logan sjálf segir, er aldrei að vita hverju Beyoncé tekur upp á næst, hverju henni langar að klæðast eða hver hún vill vera þann daginn. Þess vegna er naglaskrautið hannað með það eitt í huga að sem skemmstan tíma taki að setja það á.

.

beyonce gif3

.

 

Naglaskrautið má nálgast gegnum vefverslun Beyoncé sjálfrar á shop.beyonce.com en hér er beinn tengill á naglaskrautið sem kostar litla 18 dollara hver pakki, eða heilar 2.250 íslenskar krónur að frádregnum sendingarkostnaði.

.

beyonce gif4

.

Grammy 2015: Þessi eru tilnefnd til verðlauna

Myndir úr afmæli dóttur Beyoncé

Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: „Kartaflan sem fann alltaf vitlausa lykt“ en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.

SHARE