Þetta fallega hús við Bergstaðastræti er til sölu. Húsið er mikið endurnýjað og glæsilegt í alla staði. Húsið er 300 fm. að stærð á þremur hæðum. Stofurnar eru fjórar talsins og ein þeirra er sem stórt fjölskyldu og afþreyingarrými á neðstu hæð hússins Húsögn, listaverk og munir gera heimilið stílhreint og falleg. Virðulegur stigagangur er á milli hæða með stórum glugga sem hleypur birtunni inn í rýmið. Tvöföldu innihurðarnar með frönsku gluggunum hleypa vissri rómantík í stofunnar og opna fyrir flæðið á milli rýma. Í eldhúsinu er látlaus en stílhrein og falleg viðarinnrétting með vönduðum tækjum. Ekki er settur verðmiði á þessa glæsilegu eign á besta stað í borginni, en öllum frjálst að gera tilboð.
Árni býr í Reykjavík en ólst upp í Garðinum. Hann lauk stúdentsprófi frá Fjölbrautaskóla Suðurnesja og nam stjórnmálafræði við Háskóla Íslands. Að því gefnu hefur hann mikinn áhuga á stjórnmálum, ásamt því að vera mikill áhugamaður um hönnun, arkitektúr og ljósmyndun. Árni hefur gaman að tónlist og leiklist, kvikmyndum og matargerð annarra. Hann viðurkennir fúslega að vera ömurlegur í eldhúsinu og leggur ekki á nokkurn mann að koma í mat til sín. Nýja dellan er að vaða um íslenska náttúru með myndavélina og reyna að ná góðum myndum með misjöfnum árangri. Árni er mikil félagsvera og nýtur sín best í góðra vina hópi og með fjölskyldunni. Hann er dýravinur, en gengur illa að eiga gæludýr. Þau annað hvort drepast eða flýja af heiman. Árni gleymir sér á netinu við að skoða fallega hönnun, heimili og fasteignasíðurnar eru í miklu uppáhaldi. Árni deilir með okkur því sem hann fellur fyrir hverju sinni og reynir að koma víða við í stílum og hönnun til að ná til sem flestra. Árni heldur úti Facebooksíðu þar sem hann deilir hugðarefnum sínum, enda kallar hann síðuna Hugarheim Árna.
