Það er hægt að gera svo ótrúlega margt við nautahakk og alltaf gaman að prófa eitthvað alveg nýtt. Þessi uppskrift er fengin af Eldhússögum.

Sjá einnig: Æðisleg fyllt tacoflétta með nautahakki og salsasósu

img_8729

Pönnukaka með nautahakki

  • 2,5 dl hveiti
  • 6 dl mjólk
  • 3 egg
  • 1 tsk lyftiduft
  • ½ tsk salt

Hakkfylling:

  • 500 g nautahakk
  • 1 rauðlaukur, saxaður smátt
  • 1 hvítlauksrif, pressað
  • 250 g sveppir, sneiddir
  • 3 msk chilisósa (t.d. Heinz chili sauce)
  • 1/2 msk sojasósa
  • 1/2 msk balsamik edik
  • 1 dl sýrður rjómi eða rjómaostur
  • 1-2 tsk oregano
  • 1/2 tsk nautakraftur
  • salt og pipar
  • ca. 150 g rifinn ostur
  • Smjör og/eða olía til steikingar

Ofn hitaður í 225 gráður. Hveiti og salt sett í skál og um það bil helmingnum af mjólkinni hrært út í þar til deigið verður slétt. Þá er restinni af mjólkinni bætt við og að síðustu er eggjum bætt út í, einu í senn. Deiginu hellt í vel smurða ofnskúffu og bakað við 225 gráður í ca. 25 mínútur.

Laukur er steiktur á pönnu þar til hann hefur mýkst, þá er sveppum og hvítlauki bætt út á pönnuna og steikt í stutta stund í viðbót. Því næst er hakkið sett á pönnuna og allt steikt. Að lokum er chili sósu, sojasósu, balsamediki og sýrðum rjóma eða rjómaosti bætt á pönnuna og allt kryddað eftir smekk. Látið malla í 5-10 mínútur við vægan hita. Rétt áður en hakkið er tilbúið er rifna ostinum bætt út í. Þá er hakkinu dreift yfir pönnukökuna og henni rúllað upp. Borið fram með salati.

Facebook Comments
SHARE