Þessi dásamlega gulrótarterta kemur frá Albert eldar og er hreint út sagt dásamleg.
Hrátertur fara vel í maga og eru hollar með eindæmum. Og öllum líkar, svei mér þá, það er að segja ef fólk fæst til að smakka í fyrsta skipti. Hentar fólki t.d. með eggja-, mjólkur- og glúteinóþol. Ef kakan klárast ekki, hún er jú saðsöm, má alveg frysta hans. Hún tapar ekki gæðum við frystingu. Endilega útbúið hrátertu (og bjóðið í kaffi)
Sjá einnig: Syndsamlega góð gulrótarkaka – Uppskrift
Gulrótaterta með kasjúkremi.
1 1/2 b rifnar gulrætur
1 1/3 b möndlur
7-8 döðlur, saxaðar gróft
1 tsk múskat
1 tsk kanill
1/3 tsk salt
örlítið chili
börkur af 1/2 sítrónu
2/3 b kókosmjöl
1 msk chiafræ
1 msk vatn
Krem
1 b kasjúhnetur
1 tsk gott síróp
1-2 msk kókosolía, fljótandi
safi úr einni sítrónu
1/3 tsk kardimommur
Sjá einnig:Gulrótarkaka með guðdómlegu rjómaostakremi
Botn: Setjið gulrætur, möndlur, döðlur, sítrónubörk og krydd í blandarann eða matvinnsluvél og blandið vel saman. Bætið við kókosmjöli, chiafræjum og vatni og blandið saman smá stund. Takið krinlótt tertuform og setjið á tertudisk (ekki mota botninn) og hellið maukinu þar í, þjappið og kælið á meðan kremið er útbúið.
Krem: Leggið kasjúhnetur í bleyti í um 20 mín. Hellið vatninu af og setjið í blandarann ásamt sírópi og sítrónusafanum, maukið mjög vel. Bætið loks kókosolíu saman við og blandið áfram. Setjið yfir tertuna og skreytið með rifnum sítrónuberki og berjum.
Geymið tertuna í ísskáp í nokkrar klukkustundir eða yfir nótt.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
