Drifhvítir og blúndum lagðir kvöldkjólar, snjóleit pils og gagnsæjar skyrtur með pífum og tjulli; rósum prýddir rúllukragar. Framúrstefnuleg, látlaus og kvenleg snið. Allt þetta og meira til mátti bera augum frá tískuhúsi Valentino þegar þriðja hátískulína Valentino ársins 2014 var kynnt nú í vikunni.
Kyrrð og yfirvegun, kvenleiki og létt yfirbragð einkennir línu hátískuhússins, en tískuljósmyndarinn Greg Kessler tók þessar myndir að tjaldabaki í Witney Museum of Art meðan fyrirsæturnar biðu þess að vera kallaðar fram.
.
.
Aðalhönnuðir Valentino, þau Maria Grazia Chiuri ásamt Pierpaolo Piccioli sviptu hér hulunni af leynd þeirri sem hvílt hefur yfir viðhafnarlínunni sem er ætlað að fagna opnun nýjasta flaggskips Valentino á Fifth Avenue.
.
.
Allt frá tælandi einfaldleika til nær sjálflýsandi siffonkjóla og frá kasmír til tjullkraga og örsmárra leðurblóma sem ísaumuð í viðhafnarkjóla eru leiðandi öfl í viðhafnarlínunni – línan er einföld og stílhrein í eðli sínu en smáatriðin eru mögnuð og nær ævintýraleg.
.
.
Sjálf línan er ástríðufullur óður til hinnar rómuðu hvítu línu Valentino Garavani, sem stofnaði tískuhúsið og kynnti hvítu línuna árið 1968 en sýningin var með rómantísku sniði og mátti sjá orðin LOVE NY bróderuð í síðkjólana ef vel var að gáð.
Hér má sjá sjálfa sýninguna í heild sinni, sem fram fór í hinu rómaða Whitney Museum of Art sem staðsett er á Manhattan, New York þann 10 desember 2014:
Heimild: CR Fashion Book
Tengdar fréttir:
Hátískuhönnuðurinn Valentino gefur út (glútenfría) matarbiblíu
Gucci vor og sumar 2015: Guðdómlega sækadelísk seventís tíska í Milano
16 ráð til fágunar í fötum
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
