Heimilið fínt á 15 mínútum

Gleymdir þú að von var á gestum eða tafðist þú í vinnunni og hefur engan tíma til að þrífa áður en gestirnir koma?
Svona getur þú gert vel gestfært á örfáum mínútum:

1. Hvert á að bjóða gestunum? Í eldhúsið, stofuna, borðstofuna? Einblíndu á staðina þar sem gestirnir verða, ekki eyða tíma í að fínpússa barnaherbergin eða svefnherbergið – nema þú ætlir að bjóða gestunum sérstaklega þangað. Lokaðu dyrum að rýmum sem gestir eiga ekki erindi inn í.

2. Farðu með þvottabala, óhreint tau, yfirhafnir, skólatöskur og aðra lauslega óþarfa muni inn í eitthvert „bannrýmið“. Enginn sér það sem er bak við luktar dyr.

3. Gríptu tusku og þurrkaðu létt af yfirborðsflötum og ryksugaðu eða moppaðu snöggt yfir gólfin. Mundu að ganga frá ryksugunni/moppunni.

4. Loftaðu út.

5. Dustaðu púðana í stofunni og brjóttu fallega saman teppin, ef af þeim er að skipta.

6. Strjúktu yfir yfirborð á baðherberginu og pússaðu spegilinn.

7. Kveiktu á kertum, minnkaðu ljósin og kveiktu á þægilegri tónlist.

8. Raðaðu skóm í forstofunni og hengdu upp allar flíkur sem mögulega liggja á gólfinu eða ofan á hirslum.

9. Slepptu atriðum 1-8 og gefðu skít í þetta allt saman – mega gestirnir þínir kannski alveg vita að það býr fólk heima hjá þér?

Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.

SHARE