Herbergi fallins hermanns hefur staðið óhreyft í nær 100 ár

Ljóslifandi og afar áþreifanleg minning um hugrakkan hermann frá fyrri heimssstyrjöld lifir enn, þó ekki á þann máta sem ætla mætti.

Hubert Rochereau þjónaði franska hernum meðan á fyrri heimsstyrjöldinni stóð, en hann andaðist þann 26 apríl 1918 og laut þannig í lægra haldi fyrir óvininum meðan bardagi geysaði í Belgíu. Þetta kemur fram á Huffington Post, en foreldrar Hubert, sem yfirkomnir af sorg sóru þess dýran eið að hrófla ekki við neinu í herberginu hans, héldu öllu óbreyttu frá brottfarardegi sonarins sem aldrei sneri til baka úr styrjöldinni.

 

o-ROOM-BED-SOLDIER-570

Ljósmynd: Matthieu Bock

 

Þegar húsið var selt árið 1936, létu foreldrar Hubert setja inn sérstaka klásúlu í kaupsamning sem kveður á um að ekki skuli hróflað við neinu í herbergi Hubert næstu 500 árin. Allt skal varðveita og einungis má þrífa og þurrka af munum, en ekkert fjarlægja. Í dag er liðin nær öld frá andláti hugrakka hermannsins og herbergið stendur enn óhreyft, nákvæmlega eins og Hubert skildi við allt þegar hann lagði upp í stríðið sem seinna meir kostaði hann lífið.

o-SOLDIERS-ROOM-1-570

Ljósmynd: Matthieu Bock

Í svefnherbergi Hubert má sjá persónulegar eigur hans, þar á meðal voldugt byssusafn, stunginn og mölétinn herjakka og minnismerki.

 

IMG_2012_scalewidth_460

 

Ljósmynd: Matthieu Bock

Í viðtali við franska blaðið Nouvelle République segir núverandi eigandi hússins, Daniel Farbe, að klásúlan hafi ekkert lagalegt gildi í sjálfu sér, heldur sé einungis beiðni fyrrum eigenda og að hann hafi efnt sinn hluta loforðsins til að heiðra gömlu hjónin og látinn son þeirra.

 

o-ROOM-PHOTOS-570

Ljósmynd: Matthieu Bock

Herbergið þjónar því hjartnæma hlutverki að varðveita minningu fallins hermanns og felur í sér nær ómæld sagnfræðileg verðmæti, en Hubert hefur þó hlotnast fremri heiður frá falli sínu í stríðinu. Þannig var hann einnig sæmdur Heiðursorðunni fyrir hugrakka framgöngu. Þá má einnig sjá nafn Hubert blasa við á minnismerki í Libourne, Frakklandi, þar sem herdeild hans var staðsett.

SHARE