Þessar hillur eru handsmíðaðar í Þýskalandi og það er hægt að raða þeim upp eins og maður vill hvort sem það er í horn eða bara á venjulegan vegg. Þú kemur ekki miklu í hverja hillu en það er það sem gerir þær svo einstakar og stílhreinar.
Þeir sem hafa eignast svona hillur hafa talað um það að hillurnar geta haldið vöku fyrir manni á nóttunni. Ástæðan fyrir því er að viðurinn er gegnheill og mjög „lifandi“ svo hann á það til að aðlaga sig eftir því hvert hita- og rakastigið er í herberginu sem þær eru í. Hreyfingin á viðnum er samt ekki það mikil að það hafi áhrif á hönnunina.
Ef þú hefur ekki á móti því að heyra smá brak og bresti á nóttunni þá eru þetta hillur fyrir þig. Hljóðin gætu jafnvel bara verið notaleg.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
