Barnslegur hlátur snerist fyrst upp í skelfingu og því næst í martröð hverrar viti borinnar manneskju frammi fyrir skelfingu lostnum sjónarvottum nú í vikunni þegar hoppukastali tókst á loft í vindhviðu í grasi grónu úthverfi New York borgar í Bandaríkjunum … með þrjú skelfingu lostin börn innanborðs.
Börnin, sem voru á aldrinum 5, 6 og 10 ára féllu öll útbyrðis þegar hoppukastalinn losnaði frá þar til gerðum festingum og tókst á loft og sveif stjórnlaust upp til himins, en tveir drengir sem voru innanborðs og féllu til jarðar úr tæplega fimm metra fjarlægð, slösuðust báðir alvarlega.
Lítil stúlka sem einnig var um borð í hoppukastalanum slapp með skrámur en hoppukastalinn hélt áfram hryllingskenndu ferðalagi sínu upp til himins eftir að börnin höfðu hrapað niður úr leiktækinu. Sjónvarvottar sögðu áhorfið hafa verið einna líkast atriði úr hryllingsmynd, en að hoppukastalinn hefði fokið af miklu afli upp í loftið, slitið burtu festingar á jörðinni og yfir trén og svo húsþök.
Móðir stúlkunnar sem var um borð þegar hoppukastalinn tókst á loft sagði leiktækið hafa verið njörvað niður í jörðina en að festingar hefðu gefið sig. “Eldri dóttir mín varð vitni að atburðinum og sagði að þetta hefði verið hryllilegt, en þetta gerir útslagið og það er alveg á hreinu að við leyfum okkar börnum aldrei að leika sér í hoppuköstulum.”
Allar myndir við þessa grein voru teknar af sjónarvottum á vettvangi.
Heimild: NY Magazine
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
