Það er ekkert leyndarmál að við hér á ritstjórn erum fylgjandi alvöru konum með eðlilegan líkamsvöxt og við erum líka hugfangnar af fallegri sundfatatísku.
Í okkar augum er ekkert skemmtilegra en konur sem þora og við tökum ofan fyrir þeim konum sem líður vel í eigin skinni. Nú er sundfatatíminn er runninn upp, sól hátt á himni og þar með sú árstíð runnin upp sem ófáar konur kvíða; tímaskeið afhjúpunar.
Raunverulegar konur með fjölbreytilegan líkamsvöxt og það íklæddar nýjustu sundfatatískunni er aftur á móti þema bandaríska sundfatarisans Swimsuits For All sem ríður á vaðið með dásamlegu dagatali sem ætlað er árinu 2015.
Yndislegt dagatal og guðdómleg Instagram síða sem hýsir fullt af litríkum klæðum og dásamlegum konum með bogadregnar línur; grönnum konum og þéttholda konum. Konum með geislandi sjálfstraust og stríðnislegan glampa í augum; konum sem þora og draga fram sína fegurstu eiginleika með því einu að koma til dyranna eins og þær eru klæddar.
Töfrum líkust sundfatatíska fyrir alvöru konur:
Hún er á Instagram, smelltu hér:
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
