Hertogaynjan Kate Middleton er afar ánægð með nýju kærustu Harry prins. Talið er að hún hafi hitt hana nýlega og litist afar vel á hana. Upp á síðkastið hefur Meghan verið í heimsókn hjá Harry á heimili hans í Kensington höllinni og hefur Meghan komið afar vel fyrir hjá tilvonandi tengdafjölskyldunni.
Sjá einnig: Kate Middleton í sínu fyrsta sjónvarpsviðtali í fimm ár
Talsmenn bresku konungsfjölskyldunnar hafa ekki enn svarað spurningum fjölmiðla varðandi samband þeirra, fyrir utan að segja að Meghan og Harry hafa verið í sambandi svo mánuðum skiptir. Sagt er að Kate sé að aðstoða Meghan eins og hún getur og að henni finnist Meghan vera tilvalin sem kvenmannsefni fyrir Harry.
Fleiri meðlimir konungsfjölskylunnar er statt í London þessa dagana, sem gefur Harry tækifæri á því að kynna kærustu sína fyrir stórum hluta fjölskyldunnar.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
