Kim Kardashian mun koma fram í fyrsta sinn eftir fæðingu í þætti Kris Jenner – Hefur misst 10 kg.

Kim Kardashian ætlar, samkvæmt Us Magazine að  koma fram í fyrsta sinn eftir meðgöngu í nýja spjallþætti móður sinnar, Kris Jenner. Eins og flestir vita hugsar Kim mikið um útlit sitt og hafði miklar áhyggjur af líkamsþyngd sinni á meðgöngu og talað er um að hún ætli að “sýna líkama” sinn í fyrsta sinn eftir fæðingu, hvað svosem það nú þýðir í þætti móður sinnar en hún vinnur nú hörðum höndum að því að komast í sitt fyrra form.

Tímaritið greinir frá því að Kim hafi nú þegar misst 10 kíló af þeim 35 sem hún bætti á sig á meðgöngunni og sagt er að hún vilji að fólk sjái að hún hafi grennst. “Hún mun ekki fara út úr húsi eða vera meðal almennings fyrr en hún er orðin grennri” – Samkvæmt heimildarmanni slúðurmiðla vestanhafs.

Hvort sem eitthvað er til í þessu er Kim sögð njóta þess að vera móðir og einbeitir sér að barni sínu, North West. Hún varð fyrir miklu aðkasti á meðgöngunni vegna þyngdar sinnar og er undir miklum þrýstingi að fara aftur í fyrra form.

SHARE