Kjúklingur með bönunum og rúsínum

Þessi óvenjulega en gómsæta uppskrift kemur frá Café Sigrún. 

Kjúklingur með bönunum og rúsínum

Fyrir 2

Innihald

  • Hálfur kjúklingur, grillaður og skinnlaus
  • 2 stórir, þroskaðir bananar, sneiddir gróft
  • Hálf rauð paprika, sneidd þunnt
  • Hálfur rauður chili pipar, sneiddur þunnt
  • 2 hvítlauksrif, afhýdd og söxuð smátt
  • 40 g rúsínur
  • 1 msk maísmjöl, leyst upp í 2 msk af vatni
  • 100 ml hrein jógúrt
  • 0,5 tsk salt (Himalaya eða sjávarsalt)
  • 1 lárviðarlauf, mulið mjög smátt
  • 200 ml vatn
  • 1 gerlaus grænmetisteningur

Aðferð

  1. Rífið allt kjöt af kjúklingnum og setjið í eldfast mót (óþarfi að smyrja mótið).
  2. Sneiðið bananana og raðið þeim ofan á kjúklinginn.
  3. Skerið paprikurnar og chili piparinn langsum, fræhreinsið og sneiðið þunnt. Raðið sneiðunum ofan á bananana.
  4. Afhýðið hvítlaukinn og saxið smátt. Setjið til hliðar.
  5. Blandið maísmjöli og 2 msk af vatni saman í stórri skál og hrærið jógúrtina út í.
  6. Sjóðið vatn og leysið grænmetisteninginn upp. Setjið út í skálina ásamt muldu lárviðarlaufinu, hvítlauknum og rúsínunum. Látið standa í um 10 mínútur.
  7. Hrærið jógúrtinni varlega út í stóru skálina. Blandið vel saman.
  8. Hellið sósunni yfir kjúklinginn.
  9. Hitið við 180°C í 10-15 mínútur.

Endilega splæsið í like á Café Sigrún á Facebook.

SHARE