Klámstjörnu misþyrmt grimmilega af fyrrum kærasta – Sjáið myndirnar af áverkum

Klámmyndastjarnan Christy Mack, 23 ára, varð fyrir grimmilegri líkamsárás á dögunum, en það var hennar fyrrverandi kærasti sem framdi verknaðinn. Hann er kallaður War Machine en heitir Jonathan Koppenhaver og er MMA bardagakappi.

Samkvæmt lögreglu barði hann Christy og annan aðila sem var gestkomandi á heimili hennar að það þurfti að leggja þau bæði inn á spítala.

Þessar myndir eru skelfilegar og Christy er óþekkjanleg.

cma-496x500

Christy gaf frá sér þessa yfirlýsingu í kjölfar árásarinnar:

Um klukkan tvö aðfaranótt föstudags kom Jon Koppenhaver óboðinn heim til mín í Las Vegas, en hann hætti með mér í maí og flutti út frá mér og fór til San Diego. Þegar hann kom heim til mín, kom hann að mér og öðrum aðila, fullklæddum og óvopnuðum í húsinu. Án þess að segja orð byrjaði hann að berja vin minn og þegar hann var búinn að því, rak hann vin minn út og snéri sér að mér. Hann lét mig afklæðast og fara í sturtu fyrir framan hann. Svo dró hann mig út og barði mig í andlitið. Ég man ekki hversu oft ég var barin en ég veit bara hversu mikið ég er slösuð eftir hann. Ég er með 18 brotin bein í kringum augun, nefið á mér er brotið á tveimur stöðum, það vantar í mig tennur og nokkrar eru brotnar. Ég get ekki tuggið og sé ekki með vinstra auga. Ég get eiginlega ekki talað útaf bólgum og tannleysis. Ég er með brotin rifbein og skaddaða lifur eftir að hann sparkaði í síðuna á mér. Annar fótleggurinn á mér er svo illa farinn að ég get ekki gengið án hjálpar. Ég er líka með nokkur sár eftir hníf sem hann tók í eldhúsinu mínu. Hann stakk hnífnum inn í mig á nokkrum stöðum eins og hendina á mér, eyrun og höfuðið. Hann skar líka mikið af hárinu á mér af með þessum lélega hníf.

Christy segir að hann hafi ætlað að nauðga henni en hafi ekki náð að fá holdris, sjálfum sér til mikillar mæðu og einnig hafi hann ógnað henni með hníf. „Ég hélt ég væri að fara að deyja“ segir hún í yfirlýsingunni, „Hann tók símann minn og afboðaði mig í allt sem ég ætlaði að gera vikuna á eftir svo enginn myndi fara að undrast um mig.“ Þegar Jon fór og leitaði að nýjum hníf, náði Christy að flýja, nakin, yfir til nágrannanna þar sem hún barði á dyr uns hún fékk hjálp.

Í lok yfirlýsingarinnar segir Christy: Ég vil þakka öllum fyrir stuðninginn á þessum erfiða tíma. Sár mín eru að gróa, hratt og vel og er þakklát fyrir allar þær bænir og heimsóknir sem ég hef fengið seinustu daga. 

Þrátt fyrir að það sé ekki búið að ná Jon ennþá, en hann er eftirlýstur af lögreglunni og 10 þúsund dollarar eru settir honum til höfuðs, hefur kappinn verið að setja inn færslur á Twitter:

 

Screen Shot 2014-08-13 at 1.38.36 PM

Fjölskylda Jon hefur sagt frá því opinberlega að hann hafi haft miklar ranghugmyndir um samband hans og Christy eins og sjá má á þessum færslum hér að ofan.

war-machine_3Hér er mynd frá því allt lék í lyndi

SHARE