Kókaínneysla Lady Gaga afhjúpuð í nýrri bók

Kókaínneysla söngkonunnar Lady Gaga er afhjúpuð í nýrri bók eftir fyrrum vin hennar, Brendan Jay Sullivan. Í bókinni ljóstar hann upp helstu leyndarmálum stjörnunnar og talar meðal annars um að stjarnan hafi verið í mikilli kókaínneyslu.

Brendan var náinn vinur stjörnunnar þegar hún var að byrja feril sinn í New York. Hann hefur gefið út bók um vináttu þeirra og þar fullyrðir hann að hún hafi neytt “poka eftir poka” af fíkniefnum. Bókin heitir, Rivington Was Ours: Lady Gaga, The Lower East Side and the Prime of Our Lives.

Hann segir frá því í bókinni að eitt sinn hafi söngkonan dustað grunsamlegt hvítt duft af teppinu í íbúð sinni og sett duftið upp í sig. Hún á að hafa sagt: “Þetta er mynta. Ég vildi að þetta væri kókaín. Ég tók kókaín einu sinni í stórum skömmtum. Aðallega þegar ég var að hafa mig til, áður en ég fór út.”

Söngkonan fékk efnið sent heim til sín og hlustaði á Bowie meðan hún neytti eiturlyfja. Í bókinni tekur fyrrum vinur Lady Gaga fram að hún hafi haft þá reglu að nota kókaín aðeins þegar hún var einsömul.

Lady Gaga hefur áður opnað sig í fjölmiðlum um baráttu sína við fíkniefnadjöfulinn en hún var mjög þunglynd og segir að fíkniefnaneyslan hafi komið til vegna þunglyndisins. Hún sagði:”Það var eins og kókaín væri vinur minn. Ég tók aldrei eiturlyf með fólki. Þetta var skelfileg leið til að reyna að fylla upp í eitthvað tóm.”

SHARE