Kryddað jólakaffi

Þessi uppskrift nægir fyrir fjóra aðila og kemur þessi dásemd frá matarbloggi Önnu Bjarkar. 

Kryddað jólakaffi

f. 4

1 bolli dökkur púðursykur, þéttpakkaður
125 gr. dökkt súkkulaði, gróft saxað
Fínrifinn börkur af 1 mandarínu
1/2 tsk. kanell
1/4 tsk allrahanda
3 bolllar sterkt nýlagað kaffi
1/2 bolli matreiðslurjómi, hitaður

Toppur:

Þeyttur rjómi
Kanelstöng
Mandarínubörkur, fínrifinn

Ok, við erum að tala um fljótandi heitt sælgæti með smá knúsi og kermju með kryddi, súkkulaði og rjóma.  Svo er ég viss um að þú lumar á dýrindis smákökum í boxi sem gera bara gott betra.  Er ekki málið að dekra smá við sig í jólaösinni 😉
En svona er þetta:

Fyrstu 5 hráefnin fara í blandara og möluð fínt.  Nýlöguðu sterku kaffinuer hellt í blandarann með súkkulaðinu og blandað vel saman svo súkkulaðið og sykurinn bráðni.  Blandan er sett í pott og hituð að suðu, síðan sett aftur í blandarann ásamt heitum matreiðslurjómanum og allt mixað þara til drykkurinn er freyðandi.
Hellt í 4 glös eða bolla og skreytt með rjómatoppi, rifnum mandarínuberki og kanelstöng til að hræra með og svo nokkrar af góðu kökunum sem eru til uppí skáp settar á fallega kökudiskinn þinn og hafðar með.
Verði þér að góðu 🙂

Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.

SHARE