Líkamsgötun: Hvernig á að koma í veg fyrir fylgikvilla

SHARE

Líkamsgatanir eru algengari en nokkru sinni fyrr. Alls ekki halda að það sé lítið mál að láta gata á sér líkamann. Þú verður að þekkja hætturnar og almennar öryggisráðstafanir þegar þú ferð og lætur gata á þér líkamann. Eftirmeðferðin skiptir einnig miklu máli.

Eyru, varir og nafli eru vinsælir staðir til að láta gata. Allar gatanir hafa einhverja áhættu í för með sér og mælt er með að fólk kynni sér málið áður en vaðið er í gatanir.

Þekktu áhættuna!

Götun merkir að verið er að setja aðskotahlut í opið gat sem gert er í eyra, nef, augabrún, varir, tunguna eða aðra líkamshluta og yfirleitt án deyfingar. Göt í eyru og þá á ég við eyrnasnepilinn eru nú oftast nær hættulaus á meðan gatanir á öðrum líkamshlutum geta haft í för með sér sýkingar og fleira.

Áhættur sem götun getur haft í för með sér :

– Ofnæmisviðbrögð

Sumir lokkar og þá sérstaklega þeir sem innihalda nikkel geta orsakað ofnæmi. Mælt er með að nota ekta lokka í gatanir eða lokka úr svo kölluðu læknastáli.

– Gatanir í munni

Skart sem sett er í tungu getur brotið úr tönnum og orsakað vandamál í gómi. Tungan bólgnar mikið eftir að hún hefur verið götuð. Passa þarf upp á sýkingar.

– Ofnæmi á húð

Ef þú ert að láta gata á þér húðina að þá áttu að hættu að fá sýkingu. Húðin verður rauð, bólgin og gröftur kemur í ljós. Sótthreinsa þarf oft á dag þessar tegundir af götunum.

– Önnur húðvandamál

Gatanir skilja eftir ör sem geta verið ljót og orsakavaldurinn er ofvöxtur á húð í kringum gatið.

– Ef lokkar rifna úr gati

Skart getur krækst í föt og annað og rifið niður í gatinu. Stundum þarf að leita læknis ef þetta gerist því það gæti þurft að sauma nokkur spor.

Vertu viss um að þú sért tilbúin/n til að láta gata á þér líkaman áður en þú æðir út í það hugsanalaust.

Áður en þú ferð og færð þér gat, spyrðu sjálfa/n þig : Vil ég virkilega fjárfesta í líkams-skrauti? Vertu einnig 100% viss um þann stað sem þú velur að láta gata.

Heimildir: mayoclinic.com 

Fleiri frábærar greinar á Heilsutorg:
heilsutorg
SHARE