Hin munúðarfulla Candice Huffine er nafntogað módel í hátískuheiminum og ætti að vera flestum kunn; hin þrítuga gyðja hefur prýtt allt frá forsíðu ítalska Vogue, var ein af Pirelli stúlkunum á nýútkomnu dagatali sem vakið hefur mikla athygli en hún er hátískumódel í yfirstærð og notar föt númer 12.
Í nýlegu viðtali sem Candice veitti Yahoo Style segir hún í hreinskilni frá því hvernig er að vera kona með mjúkar línur í kröfuhörðu starfsumhverfi þar sem grannar stúlkur taka inn hæstu launin, hvað henni þykir í raun um eigin líkamslögun og hvernig hún slakar á þegar ytra áreitið keyrir fram úr þverbaki.
Candice skefur ekki af hlutunum og er beinskeytt og einlæg í tilsvörum og virðist eins hrífandi í persónu og hún er á ljósmyndum, en hér fara örfá skot úr viðtali Yahoo Style og svo fimm atriði sem vekja athygli:
.
Ljósmynd: Marton Perlaki fyrir Yahoo Style
.
Hún er með báða fætur á jörðinni …
Ég fæ fjölmörg skilaboð frá öðrum konum sem segja jafnvel: „Ég elska hvernig þú klæðir þig því þú ert með eins vaxtarlag og ég; en þar til núna hef ég aldrei vitað hvaða snið fara minni líkamsgerð.” Áhorfendur – almenningur – vilja líka kynnast fyrirsætunni sjálfri. Ég er ekki bara raddlaus sýningardúkka.
.
Ljósmynd: Marton Perlaki fyrir Yahoo Style
.
… hún býr yfir aðlögunarhæfni.
„Ég get sýnt og kynnt fatnað og tísku fyrir tískupalla og vörulista. Ég er nægilega mjúk og þétt til að geta verið stríðnislega vörulistastelpan í næsta húsi, en ég get líka aðlagað mig að hörðum kröfum hátískuheimsins.”
.
Ljósmynd: Marton Perlaki fyrir Yahoo Style
.
Mamma hennar skaut fyrstu módelmyndunum af henni …
„Ég stend keik uppi á pallinum á pallbílnum mínum í gallastuttbuxum og hlýrabol. Mér fannst ég svo flott … skvísa á pallbíl!”
.
Ljósmynd: Marton Perlaki fyrir Yahoo Style
.
… henni finnst alveg jafn gott að lúra og okkur hinum.
„Mér finnst alveg yndislegt að fá mér eitt vínglas til að slaka á. Ég og maðurinn minn eigum fallegt og þægilegt heimili en þegar kalt er í veðri förum við oft í pílukast í stofunni. Ég myndi sofa fram að hádegi alla daga ef maðurinn minn þyrfti ekki að vakna eldsnemma sjálfur.”
.
Ljósmynd: Marton Perlaki fyrir Yahoo Style
.
Hún elskar Candice Huffine.
„Málið er að ég elska líkama minn og ég er sátt við líkama minn. Ef ég get hjálpað öðrum konum á einhvern hátt með því að vera sýnileg frammi fyrir veröldinni, þá hika ég ekki við að stíga fram og vera sjáanleg.
Viðtal Yahoo Style við Candice má lesa HÊR
Latex, lífstykki og leður: Pirelli 2015 óður til 50 Grárra Skugga
Calvin Klein fyrirsæta í „yfirstærð“ veldur ótrúlegu fjaðrafoki
Íslensk fyrirsæta í yfirstærð situr fyrir í myndaþætti Vogue
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
