Hið virta tímarit National geographic birti nýlega 50 bestu ferðamyndir ársins 2013 að þeirra mati.
Ísland á þrjár myndir á listanum. Tímaritið er líkt og langflestir útlendingar heillað af Bláa lóninu og íslenska hestinum, auk þess sem mynd Jónasar Benediktssonar af Mývatni er á listanum.
Mynd Agnieszku Rayss er tekin í Bláa lóninu á Jónsmessunótt, þar sjást þjónar færa gestum lónsins hinn fræga Bláalónsdrykk.
Íslenski hesturinn er festur á filmu af Tinu Thuell við Hópið við Húnafjörð.
Jónas Benediktsson á myndina af Mývatni.
Allar myndirnar má skoða á vef National Geographic
Ragna er miðborgarbarn sem elti ástina til útgerðarparadísarinnar Grindavík. Þó að ástin hafi yfirgefið hana hefur hún enn óbilandi trú og áhuga á fólki, ástinni og lífinu og tilverunni.
