Notaður skápur tekinn í gegn

SHARE

Í byrjun mánaðarins rakst ég á skáp til sölu á Facebook, ég keypti gripinn og ég og mágur minn pússuðum hann, ég bar grunn á hann og Ella systir málaði.

10557452_751187988287794_7533761672156440160_n

Útkoman er miklu betri ég þorði að láta mér dreyma um. Ég hef verið að skoða svona skápa og verðin hlaupa oft á tíðum vel yfir 200 þúsund krónur, en ég fékk þennan hjá yndislegum hjónum í Sandgerði á heilar 20 þúsund krónur.

10371954_751188078287785_2750418715177238463_n

Efnið, það er að segja sandpappír, grunnur málning nemur um 10 þúsund þannig að draumaskápurinn kostaði mig um 30 þúsund – það getur borgað sig að kaupa notað og hreinlega gera upp sjálfur þar sem verðlagið á klakanum er fjarstæðukennt.

Ég var nýbúinn að mála stofuvegginn hjá mér þannig að skápurinn tekur sig vel út með nýja litnum og hérna sjáið þið skápinn fyrir og eftir breytingu sem og stofuna hjá mér.

1461011_751188581621068_147458016539729593_n 10346271_751188638287729_1997401211519209962_n 10367125_751188228287770_901286494917163729_n 10430834_751188391621087_7211369849311769402_n 10625002_751188661621060_3303943385334148438_n

Árni býr í Reykjavík en ólst upp í Garðinum. Hann lauk stúdentsprófi frá Fjölbrautaskóla Suðurnesja og nam stjórnmálafræði við Háskóla Íslands. Að því gefnu hefur hann mikinn áhuga á stjórnmálum, ásamt því að vera mikill áhugamaður um hönnun, arkitektúr og ljósmyndun. Árni hefur gaman að tónlist og leiklist, kvikmyndum og matargerð annarra. Hann viðurkennir fúslega að vera ömurlegur í eldhúsinu og leggur ekki á nokkurn mann að koma í mat til sín. Nýja dellan er að vaða um íslenska náttúru með myndavélina og reyna að ná góðum myndum með misjöfnum árangri. Árni er mikil félagsvera og nýtur sín best í góðra vina hópi og með fjölskyldunni. Hann er dýravinur, en gengur illa að eiga gæludýr. Þau annað hvort drepast eða flýja af heiman. Árni gleymir sér á netinu við að skoða fallega hönnun, heimili og fasteignasíðurnar eru í miklu uppáhaldi. Árni deilir með okkur því sem hann fellur fyrir hverju sinni og reynir að koma víða við í stílum og hönnun til að ná til sem flestra. Árni heldur úti Facebooksíðu þar sem hann deilir hugðarefnum sínum, enda kallar hann síðuna Hugarheim Árna.

SHARE