Ofnbakaður fiskur

Á heimasíðunni Allskonar er að finna mjög margar góðar uppskriftir og við rákumst á þessa þarna inni. Í þennan rétt geturðu notað hvaða hvíta fisk sem þér finnst bestur; þorsk, ýsu, skötusel, steinbít, löngu o.s.frv.

Fiskur fyrir 4

  • 600gr fiskur, flök
  • 2 msk smjör
  • 1 laukur, fínsaxaður
  • 1 kúrbítur, sneiddur fínt
  • 1 msk fennelfræ
  • 4 stórir tómatar, saxaðir
  • 2 tsk Dijon sinnep
  • 1 tsk púðursykur
  • 1/4 tsk cayennepipar
  • salt og pipar

Undirbúningur: 10 mínútur

Eldunartími: 20 mínútur

Hitaðu ofninn í 190°C.

Smyrðu eldfast mót og leggðu fiskinn í bitum þar í.

Bræddu smjörið í stórri pönnu, steiktu laukinn og kúrbítinn í 5-7 mínútur. Bættu nú við fennelfræjunum, tómötunum, sinnepi, sykri og cayenne pipar. Blandaðu vel saman og láttu malla smávegis, smakkaðu til með salti og pipar.

Helltu sósunni yfir fiskinn í eldfasta mótinu.

Bakaðu fiskinn í ofninum í 18-20 mínútur eða þar til hann er tilbúinn.

Dásamlegt með kartöflustöppu eða fínni kartöflumús og fennelsalati með eplum.

 

á Facebook

Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.

SHARE