Þar sem páskarnir eru á næsta leiti er ekki úr vegi að eiga smávegis gæðastund með börnunum sínum og föndra með þeim páskaskraut. Auðvelt er að lita egg sem hægt er að nota til skrauts á ýmsa vegu yfir páskahátíðina.

Það sem þarf til verksins er:
Hrá egg eða egg sem búið er að blása innihaldið úr.
Mikið af laukhýði – gefur brúnan lit
Slatta af Túrmerik – gefur gulan lit
1 lítil rauðrófa – gefur rauðbleikan lit
Lítil blóm eða lauf
Gamlan nælonsokk
Teygjur eða bómullarþráð
Skæri
Nál
Pottur

diy-páskar-6-

Ef þið viljið að eggin endist lengur þá er gott að blása þau annars eru þau sett hrá í pottinn. Lítil göt eru stungin á enda eggjanna með nál. Notið nálina líka til þess að stinga á eggjarauðuna, haldið egginu yfir skál og blásið öðru megin þannig að innvolsið leki út.
diy-páskar-7-
Klipptu bút af nælonskokknum og stingdu egginu inn í. Staðsettu blómin eða laufblöðin á eggið eins og þú villt að munstrið komi út og hnýttu fyrir með þræði eða teygju.
diy-páskar-8-
Ef laukhýði er notað þarf að sjóða það fyrst í um 10 mín, þá eru eggin sett út í og aftur látið sjóða í 5 mín. Rauðrófan og túrmerikið hafa sterkari lit og eru þau því sett út í pottinn um leið og eggin og látin sjóða í 5 mín. Auðvitað fer það eftir smekk hvers og eins hversu sterkum lit hann vill ná, þó má ekki sjóða eggin of lengi því þá getur munstrið dofnað.
diy-páskar-9-
Þegar eggin eru tilbúin eru þau veidd upp úr, sokkurinn tekinn af og þau látin þorna í eggjabakka. Ef eggin voru blásin þá er gott að láta þau þorna með minna gatið upp á við. Þegar eggin eru fullþornuð þá er hægt að bera á þau vax til að fá smá glans.
Góða skemmtun.

Þóra er keramikhönnuður og starfar sem slíkur á vinnustofu sinni í Hafnarfirði ásamt pistlaskrifum og kennslu. Þóra reynir að tileinka sér umhverfisvæna mannasiði á sem flestum sviðum og notar t.d. sem náttúrulegust hráefni í hönnun sína. Hún hefur tekið þátt í fjölda sýninga bæði hér heima og ytra ásamt því að hafa komið að rekstri tengdum heilsu og hönnun.

SHARE