Vefsíðan Pinterest hefur ákveðið að fara áhugaverða leið til að vinna á móti vinsældum leitarorða sem ýta undir neikvæða líkamsímynd líkt og thigh gap.
Thinspiration, pro-ana, probulimia, thigh gap og fjöldi annarra orða skila ógrynni af niðurstöðum á sumum vefsíðum.
Til dæmis gefur leitarorðið „thinspiration“ mjög neikvæðar og sorglegar niðurstöður ef því er flett upp Google.com. Þær fáu myndir sem sýna jákvæðar niðurstöður falla í skugga á öllum þeim myndum sem innihalda annað hvort myndir af stúlkum í mikilli undirþyngd eða texta til að hvetja mann fólk áfram í svengdinni.
Vefsíðurnar Tumblr, Twitter og Instagram tóku sig til og bönnuðu merkingar við myndir líkt og pro-ana og probulimia en þá er til dæmis ekki hægt að fletta þessum orðum upp á samnefndum síðum. Þessi leið skilaði ekki nægilega góðum árangri þar sem önnur álíka orð og fleiri urðu til í staðinn.
Pinterest valdi að fara aðra leið í þessum málum og í stað þess að banna leitarorð sem ýta undir neikvæða líkamsímynd þá kemur upp texti efst á síðunni um átraskanir og upplýsingar um hvert má leita þegar orðum lík thigh gap og thinspiration er flett upp.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
