Skapandi móðir fann leið til að koma matnum ofan í börnin

Að eiga matvant barn getur haft jákvæð áhrif á sköpunargleðina í sumum tilvikum. Í viðleitni sinni að koma einhverju niður í dætur sínar ákvað Samantha Lee að gera matinn aðeins meira spennandi.

Með þessu móti varð hver máltíð ævintýri líkust og dæturnar tvær gúffuðu grænmetinu í sig sáttar á svip. Samantha Lee er heimavinnandi húsmóðir og heldur úti Instagram síðu, undir notendanafninu @leesamantha, þar sem yfir 200.000 manns fylgjast nú með hverju listaverkinu fæðast á fætur öðru. Hér er einnig hægt að fylgjast með blogginu hennar.

Samantha býr í Malasíu og borðar mikið af sjávarfæði, þangi og rækjum, af myndunum að dæma. Hún virðist vera búin að finna ástríðu sína í listsköpun á mat og það er eins gott að hún taki myndir af listaverkunum áður en þau verða étin upp til agna! Þau eru ótrúlega flott hjá henni.

Maður verður bara svangur!