Sólarhringsbrjóst nýjasta æðið vestanhafs

SHARE

Læknir nokkur í New York hefur loks fundið leið til að stækka brjóst kvenna tímabundið, en sá hinn sami sprautar saltvatni í brjóstin sem stækka þau um eina til eina og hálfa skálastærð en aðgerðin sjálf tekur heilar 20 mínútur.

Áhrifin vara í sólarhring, en svo minnka brjóstin aftur og ná fyrri stærð. Þetta er ekki lygi, en læknirinn heitir Dr. Norman Rowe og er upphafsmaður aðgerðarinnar en hann segist gera aðgerðina til að leyfa konum að finna og upplifa í raun hvernig er að vera með stærri brjóst – áður en þær sömu ákveða að leggjast undir hnífinn til að láta stækka brjóst sín.

Í viðtali við ABC News sagði hinn ágæti læknir að 24 tímar væri ágætur tími, en að þó væri aðeins um sólarhringsáhrif að ræða og væri að reyna að finna leið til að láta áhrifin vara í nokkrar vikur en ekki klukkutíma.

En aðgerðin er hvorki hættulaus né ódýr; í fyrsta lagi er hætta á innri blæðingum ef nálin rekst í og rífur upp æð undir húðinni meðan efninu er sprautað inn í brjóstið og þess utan kosta sólarhringsbrjóstin litla 2500 Bandaríkjadali sem samsvarar u.þ.b. 310.000 íslenskum krónum. En hinn ágæti læknir er hvergi af baki dottinn og segir allar líkur á að verðið lækki verði eftirspurn nægilega mikil.

Því verður ekki neitað að þó sólarhringsbrjóstin freisti eflaust einhverra kvenna er aðgerðin undarleg í meira lagi og ekki hættulaus. Lesa má meira um sólarhringsbrjóstin HÊR

Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: „Kartaflan sem fann alltaf vitlausa lykt“ en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.

SHARE