Stjörnuspá fyrir febrúar – Nautið

Seint en kemur samt. Hér kemur stjörnuspáin þín fyrir febrúarmánuð. Mánuðurinn er stuttur að vanda og manni finnst hann oft enda stuttu eftir að hann hefst. Þó svo að hann sé nú ekki það mikið styttri en hinir mánuðirnir.

 

Nautið

 
 
Þú sýnir stolt þitt oft mjög kæruleysislega og það bitnar á öðrum. Þú átt það til að vera alltof viðkvæm/ur og hefnigjörn/gjarn og missir stjórn á þér. Íhugaðu afleiðingar slíkrar hegðunar fyrirfram – Það ætti að hjálpa þér að hafa hemil á þér. Bíttu frekar í tunguna á þér frekar en að fórna vinskap.
 
 

Þú getur staðið þig mjög vel í vinnu – ef þú nærð að halda aftur á þér á réttum tímum en þú átt það til að vera óþolinmóð/ur og hvatvís. Í þessum mánuði gætir þú átt það til að vera eyðslukló, en farðu varlega með það sem þú átt, því hlutirnir eru fljótir að eyðast.
 
 

Þú ert orkumikil/l í febrúar og líður vel. Þú átt ekki von á neinum vandamálum en gætir hugsanlega búið þér til vandamál. Þú átt það til að vera öfgakennd/ur ef þér líkar eitthvað, svo þú skalt vera vakandi fyrir því. Þú þarft að setja þér mörk. Það er betra að halda aftur af sér á stundum, heldur en að láta alltaf eftir freistingum.

 

Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.

SHARE