Stúdentaíbúð með öllu á 10 fermetrum

Sænska fyrirtækið Tengbom hefur hannað  10 fermetra viðarhús fyrir nemendur háskólans í Lundi í Svíþjóð, sem sameinar það að vera á viðráðanlegu verði, umhverfisvænt og flott bæði hönnunarlega séð og með tilliti til efnisnotkunar.

Til að takast að hanna stúdentaíbúðir á viðráðanlegu verði þarf nýjungagjarna hugsun og útsjónarsemi. Stærðin á hverju rými er minnkuð úr hefðbundnum 25 fermetrum í 10 fermetra. Hvert hús  er engu að síður með svefnloft,  eldhús, baðherbergi og lítinn garð með palli. Með hagkvæmni og krossviði sem byggingarefni er leigan lækkuð um helming auk þess sem húsnæðið er umhverfisvænna.

Fyrsta húsið er til sýnis á Virserum listasafninu en fyrstu 22 húsin munu verða tilbúin til notkunar árið 2014.

 

 

Ragna er miðborgarbarn sem elti ástina til útgerðarparadísarinnar Grindavík. Þó að ástin hafi yfirgefið hana hefur hún enn óbilandi trú og áhuga á fólki, ástinni og lífinu og tilverunni.

SHARE