Leikkonan Sienna Miller lauk nýverið við að leika í kvikmyndinni The Lost City Of Z en stórleikarinn Brad Pitt er einn af þeim sem framleiðir myndina. Orðrómur þess efnis hefur verið á kreiki að Miller og Pitt hafi fellt hugi saman á meðan gerð myndarinnar stóð. Fáein slúðurblöð hafa flutt fréttir af þessu meinta framhjáhaldi Brad Pitt og jafnvel haldið því fram að Angelina sé farin frá honum.
Sjá einnig: Brad Pitt hefur miklar áhyggjur af eiginkonu sinni
Miller tók sig til og ræddi þennan orðróm í útvarpsviðtali á dögunum. Sagðist leikkonan aldrei hafa heyrt annað eins bull og þvertók fyrir það að eiga í ástarsambandi við Pitt. Samkvæmt Miller fylgdist Pitt lítið með kvikmyndagerðinni og sá hún honum aðeins bregða fyrir tvisvar á meðan tökum stóð.
