Því hafa kynóðir selir á Suðurskautinu mök við MÖRGÆSIR?

Suðurskautið virðist paradís þeirra vísindamanna sem rannsaka afbrigðilega kynhegðun dýra, en mörgæsir eru þannig þekktar fyrir að eiga mök við látin dýr (negrófílía), valdbeitingu í kynlífi (nauðganir) og kynferðislega misnotkun á kvendýrum.

Þó er lítt þekktari staðreynd að selir virðast leggja í vana sinn að misnota mörgæsir á grimmilegan máta og þvinga selirnir mörgæsirnar þannig oftlega til kynferðislegs samræðis, en þess má geta að gríðarlegur stærðarmunur er á tegundunum tveimur, utan þess að selir og kóngamörgæsir eru alsendis óskyld dýr.

Vísindamenn hafa eðlilega velt vöngum yfir undarlegu athæfinu en fjórar árásir hafa verið festar á filmu, sem allar sýna selana elta uppi, fanga og snúa niður mörgæsirnar áður en þeim tekst í öllum tilfellum að setja getnaðarlim sinn inn í mörgæsirnar og fullkomna óskiljanlegt brotið.

.

233DE28500000578-0-Experts_suggest_it_may_have_become_a_learned_behaviour_but_the_r-21_1416242138061

.

Í þremur af þeim fjórum tilfellum sem fest voru á filmu virtust mörgæsirnar komast óskaddaðar frá árásum sela, í einu tilfelli mátti sjá blóðpoll milli fóta mörgæsar en fjórða mörgæsin drapst hins vegar í hamaganginum og var að lokum étin upp til agna af árásargjörnum selinum.

Árásirnar standa, að sögn vísindamanna yfir í u.þ.b. 4 – 6 mínútur en tilgátur hafa verið uppi um að selirnir séu ýmist óreyndir í mökunartilburðum, hafi lítið vald á eigin hormónastarfsemi og bregðist ókvæða við minnsta áreiti eða eigi jafnvel í mestu vandræðum með að bera kennsl á kvenkyns seli.

Hverju sem því líður er gátan um kynferðislegt ofbeldi suðurskautssela rannsóknaraðilum hreinasta ráðgáta, en í nýútkominni rannsóknarritgerð má lesa fremur um málið.

Ástæða þykir til að vara við myndbandinu hér að neðan:

SHARE