Tom Cruise hefur samband við Suri

Tom Cruise hefur haft samband aftur við dóttur sína Suri eftir langan tíma. Tom og Katie Holmes skildu árið 2012 og síðan þá hefur hann varla hitt Suri. Nú hafa spilin snúist eitthvað við, þar sem hann er byrjaður að hitta dóttur sína aftur. Þar endar þó sagan ekki, en Tom hefur fundið ástina með enskri konu.

Sjá einnig: Tom Cruise flytur frá Beverly Hills

Heimildarmenn segja að Tom hafi eytt 5 dögum með Suri í Englandi í júlí. Tom hefur áður látið líða yfir ár á milli þess sem hann hittir dóttur sína. Nú í sumar fékk hann að hafa hana á afmæli sínu og eyddu þau tíma saman í Gloucestershire í tvo daga og í London í þrjá daga.

Tom fékk systur sína Lee Anne DeVette til þess að hjálpa sér að koma í veg fyrir að hittingur þeirra kæmist í fréttirnar og fóru þau huldu höfði. Með í för var lífvörður og barnfóstra Suri, en Katie sjálf var hvergi sjáanleg.

Ekki er enn vitað hver konan í lífi Tom er, en sagt er að hún sé bresk, afar falleg og venjuleg kona. Þau hafa verið saman frá því í júní og fóru þau saman með Suri til heimabæjar hennar Gloucestershire.

Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.

SHARE