Selected hefur svo sannarlega fengið mikla alþjóðlega viðurkenningu upp á síðkastið en merkið hlaut Drapers verðlaunin núna fyrir stuttu og það er einnig stutt síðan Selected fékk The Danish Fashion Awards sem besta High street brandið árið 2012. Dómarar Drapers í Lundúnum sögðu að, SELECTED FEMME hafi skarað fram úr og fengu verðlaunin þar sem hönnuðirnir hefðu sýnt að þeir eru tilbúnir til að fara alla leið þegar kemur að hönnun, efni og sérstaklega litavali.
Þetta er vissulega mikil viðurkenning fyrir hönnunarteymi Selected og við náttúrulega alsæl með þessar viðurkenningar. Við höfum tröllatrú á Selected, þeir eru mjög framsýnir og leggja mikla áherslu á góð gæði og frábær verð. Þannig að ég verð að segja að það er mjög skemmtilegt að merki sem býður upp á svona góð verð skuli hljóta þennan heiður, mér finnst það ekki síst skemmtilegt,
segir Helga, annar eigenda Vero Moda.
Selected herra hefur verið til í fjölda ára, en dömulínan byrjaði árið 2008, þannig að hún er tiltölulega ný á nálinni og þessar viðurkenningar munu án efa styrkja merkið sem þýðir að þeir muni vaxa hraðar sem viðskiptavinir munu náttúrulega njóta góðs af. Úrvalið mun fara stækkandi, aukin fjölbreytni í verslununum, enn betri gæði og áframhaldandi frábær verð.
Selected á marga aðdáendur hér á landi sem koma til okkar í hverri viku þegar vikulegar sendingar berast inn til okkar og það er gaman að geta kynnt þetta fyrir þeim,
segir Helga að lokum.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
