Vikumatseðill: Krakkavænn kornflexkjúklingur, holl og himnesk súkkulaðikaka

Við byrjum nýja viku á uppskrift af dásamlegum fiskrétti með ítölskum blæ. Tómatar, hvítlaukur og fersk basilíka ásamt bræddum mozzarella gera þennan einfalda fiskrétt hreint ótrúlega bragðgóðan.

Vikumatseðill 15. – 21. september.

Mánudagur

Ítalskur fiskréttur með tómata og basilblöndu

Þriðjudagur

Tandoori kjúklingur
Fyrir 4
4 kjúklingabringur eða ca. 10-12 úrbeinuð kjúklingalæri
4 dl hrein jógurt
1 ½ tsk salt
2 hvítlauksrif, pressuð
2 msk sítrónusafi
1 tsk Garam masala
½ tsk Chili duft
1 tsk Turmerik

1. Blandið jógurt, hvítlauk, sítrónusafa og kryddum saman.
2. Skerið hverja bringu í þrjá hluta og leggið í marineringuna. Látið liggja minnst 2 klst.
3. Takið kjúklinginn úr marineringu, látið hana aðeins renna af bitunum og eldið kjúklinginn í ofni við 200°C í 20-25 mín eða þar til kjúklingur eldaður í gegn. Fylgist vel með í lokin og varist að ofelda hann.

Fljótlegt naan

Það er ekki nauðsynlegt að eiga Tandoori-ofn úti á svölum til að elda gott naan brauð, þó það saki auðvitað ekki. Fyrir okkur sem eigum fondue-settið enn ónotað í kassanum er hins vegar tilvalið að geymagræjukaupin og snara fram þessu ljúffenga fljótlega naan-brauði á örfáum mínútum með gömlu góðu steikarpönnunni.

Gerir 4 brauð
Eldunartími 15 mínútur
150 g hveiti
1 tsk sykur
1 tsk lyftiduft
3 msk hrein jógúrt
1. Blandið hveiti, sykri og lyftidufti saman í skál. Bætið út í jógúrtinni. Ef þarf má
bæta við örlitlu vatni.
2. Skiptið deiginu í 4 kúlur og fletjið þær út. Steikið á pönnu.

Klístruð kókoshrísgrjón

fyrir 4-6
400 g jasmine hrísgrjón
480 ml kókosmjólk
420 ml vatn
2 msk kókosmjöl
½ tsk kókosolía (eða önnur olía)
½ tsk salt

1. Smyrjið botninn á potti með olíu.
2. Setjið hrísgrjónin, kókosmjólk, vatn og kókosmjöl í pottinn. Hitið að suðu og hrærið reglulega í pottinum. Þegar suðan er komin upp, hættið að hræra, lækkið hitann og setjið lok á pottinn. Látið malla í 15-20 mínútur. Hrærið þá í hrísgrjónunum með gaffli og verið viss um að mesti vökvinn sé farinn.
3. Setjið lokið aftur á pottinn, slökkvið á hitanum og látið standa í 5-10 mínútur áður en þau eru borin fram.

Raita sósa
20 cm agúrka, skorin í litla teninga
1 gulrót, skorið í litla teninga
2 tómatar, kjarnhreinsaðir og saxaðir
1 rauðlaukur, fínsaxaður
5-6 dl hrein jógúrt
2 msk ferskt coriander
½ tsk Cumin
¼ tsk paprikuduft

1. Blandið öllu saman í skál.
2. Láta sósuna standa minnst 1 klst til að bragðið komi vel í gegn (í lagi að gera kvöldi áður).

Miðvikudagur

Ciabatta með nautalund 
2 ciabatta (fæst t.d. í Jóa Fel)
400 gr nautafillet
3 hvítlauksrif, pressuð
olía
salt og pipar
1 sæt kartafla, skorin í sneiðar
2 rauð chillí, söxuð
1 stór dós bernaise sósa
klettasalat
5 skarlottulaukar, skornir í sneiðar
2 msk balsamikedik
1/2 box sveppir, skornir litla báta
1 msk smjör

Aðferð

1. Skerið kjötið eða berjið niður þannig að það sé um 1 cm á breidd. Látið í skál og marinerið í olíu og hvítlauk. Saltið og piprið og geymið í 1-2 tíma í kæli.
2. Raðið sætum kartöflum á ofnplötu. Hellið olíu yfir og látið á þær chillí. Saltið og piprið. Látið inní 200°c heitan ofn þar til orðnar mjúkar.
3. Hitið olíu á pönnu og steikið laukinn í um 1-2 mínútur. Bætið þvínæst balsamikedikinu útí. Hrærið þar til balsamikedikið hefur þykknað. Takið til hliðar.
4. Léttsteikið sveppi uppúr smjöri. Takið til hliðar.
5. Steikið kjötið á mjög heitri olíuborinni pönnu á um 1 1/2 mínútu á hvorri hlið. Takið af pönnunni og látið standa í smá stund.
6. Skerið ciabatta í tvenn langsum. Hellið smá olíu í sárið og hitið á háum hita inní ofni í nokkrar mínútur eða þar til orðið stökkt að utan.
7. Raðið á ciabatta fyrst bernaise sósu, sætum kartöflum, klettakáli, kjöti, lauk, og sveppum. Saltið og piprið og njótið þess að bragða á fullkomnun.

Fimmtudagur

Kjúklingasúpa með kókosmjólk og ferskjum
1 stór laukur, skorinn
2 msk smjör
3 msk karrý
2 dósir saxaðir tómatar í dós með basil og oregano
2 stk kjúklingakraftur
vatn
pipar
1 dós kókosmjólk
1 dós ferskjur skornar í bita ásamt ferskjusafa
3/4 grillaður kjúklingur, rifinn

Aðferð

1. Laukurinn er léttsteiktur á pönnu með smjöri og karrý.
2. Tómötum bætt út í ásamt kjúklingakrafti.
3. Fyllið eina af tómatadósunum af vatni og hellið út í.
4. Kryddið með fullt af pipar og látið malla smá. Bætið þá kókosmjólkinni út í. Smakkið til og bætið út í rjóma eða kókosmjólk ef þurfa þykir.
5. Kjúklingur, ferskjur og ferskjusafi sett út í rétt áður en súpan er borin fram.

Föstudagur

Krakkavæni kornflexkjúklingurinn

4 kjúklingabringur
1 dós sýrður rjómi
2 bollar mulið kornflex
1 msk ítalskt krydd (ég notaði ítalskt pastakrydd frá pottagöldrum)
1 msk brætt smjör

Aðferð

1. Hitið ofninn á 175°c.
2. Látið bringurnar og sýrða rjómann í poka og blandið vel saman.
3. Látið mulið kornflexið og kryddið á disk og blandið vel saman.
4. Dýfið kjúklinginum húðuðum sýrða rjómanum í kornflexið og látið það hylja allan kjúklinginn.
5. Látið kjúklinginn ofnfast mót sem hefur verið penslað lítillega með olíu.
6. Hellið smjörinu yfir kjúklingabringurnar.
7. Látið í ofninn og eldið í um 1 klukkustund.

Laugardagur

Taco pizza
1 tilbúinn pítsabotn
300 g nautahakk
1 bréf taco krydd
salsa sósa að eigin vali
1-2 tómatar, skornir í litla teninga
svartar ólífur, skornar í þunnar sneiðar (má sleppa)
mozzarellaostur, rifinn

Meðlæti
nachos
iceberg kál, saxað
sýrður rjómi

1. Látið olíu á pönnu og steikið nautahakkið. Bætið taco kryddinu saman við ásamt 2 dl af vatni. Látið malla þar til vökvinn er að mestu gufaður upp.
2. Fletið út pítsadeigið og setjið salsasósu á botninn.  Látið síðan nautahakk yfir salsasósuna, síðan tómata, ólífur og rifinn ost.
3. Bakið í ofni við 200°c í um 30 mínútur.
4. Berið fram með káli, sýrðum rjóma og nachosflögum.

Sunnudagur

Grillaðar lambalærissneiðar með tómatsmjöri
8 lambalærissneiðar
3 msk. olía
1-1 ½ tsk. chili-flögur (smakkið til)
2 hvítlauksgeirar, smátt saxaðir
1 tsk. kummin, steytt
1 tsk. paprikuduft

Aðferð

1. Raðið lærissneiðum í ofnskúffu.
2. Blandið saman olíu og kryddi og penslið sneiðarnar á báðum hliðum með blöndunni.
3. Grillið á meðalheitu grilli í 3-4 mín. á hvorri hlið.
4. Berið fram með tómatsmjörinu og t.d. grilluðu grænmeti, salati og kartöflum.

Tómatsmjör
250 g mjúkt smjör
1 dl sólþurrkaðir tómatar
1 tsk. tómatmauk
1 tsk. tímían
1-2 hvítlauksgeirar
1 tsk. nýmalaður pipar
2 msk. balsamedik

Aðferð
Setjið allt í matvinnsluvél og maukið vel. Setjið smjörið á álpappír, mótið rúllu og frystið.

Eftirréttur

Hráfæði súkkulaðikakan
1 1/2 bolli valhnetur
1 1/2 bolli pekanhnetur
1 1/2 bolli döðlur,steinalausar
1 1/2 bolli rúsínur
6 msk kakó
2 tsk vanilludropar

Aðferð

1. Látið allar hneturnar í matvinnsluvél og blandið vel saman eða þar til þetta er orðið eins og gróft mjöl.
2. Bætið afgangi af hráefnunum í blandarann og blandið þar til þetta er orðið að deigkúlu með engum stórum bitum í.
3. Mótið kökuna.
4. Gerið seiðandi súkkulaðikremið.

Seiðandi súkkulaðikrem
1 bolli döðlur,steinalausar
1/4 bolli kakó
1/4 bolli kókosolía
3/4 bolli vatn

Aðferð

1. Látið öll hráefnin í blandarann.
2. Blandið saman á lágum styrk í upphafi en stillið svo á hæðsta styrk í dágóða stund. Það er gott að slökkva á honum og skafa með sleif meðfram hliðunum og halda síðan áfram.
3. Seiðandi súkkulaðikremið er tilbúið þegar að engir bitar eru eftir af döðlunum.
4. Hellið yfir kökuna og berið fram með t.d. rjóma eða ís.