Ímyndaðu þér bara, ef hægt væri að rita leyndar óskir niður á töfrapappír, rúlla upp í lítinn vöndul, bera eldspýtu upp að og horfa á óskina flögra upp til himna í örfínum reykjarstrók. Alla leið til góðu englana sem okkar gæta. Þar yrði óskinnar vel gætt og enginn fengi nokkru sinni að bera hana augum nema góðu englarnir. Sem lesa í reykjarstróka, eru sérfróðir um töfrapappír og persónulega handskrift sem rituð hefur verið með „góðu-galdra” blýanti.
Töfrapappírinn þessi er til! Og það sem meira er; hann er hægt að panta af netinu.
Á ferðalagi ritstjórnar um vefinn rákum við augun í gullfallega og pínulitla vefverslun sem sérhæfir sig í æði sérstökum gjafapakkningum sem snúast um það eitt að senda leyndar óskir til himna. Leiðbeiningar fylgja með pakkningunum, en tekið er sérstaklega með að eldspýtur fylgi ekki með í kaupunum.
Væri ekki draumur að geta skrifað niður óskir á töfrapappír og sent til himna?
En þetta er ekki allt. Því á litlu álfasíðunni má einnig finna skrímslasprey sem er sérstaklega ætlað fyrir myrkfælin börn að geyma undir koddanum. Samkvæmt því sem lesa má á vefsíðunni er um vígt töfrasprey sem ilmar undursamlega að ræða. Töfraformúlan í spreyflöskunni þeytir öllum illum öflum á brott, rekur ljóta anda undan rúmi og svælir ærsladrauga út úr klæðaskápum, undan gólfsíðum gardínum og að sjálfsögðu úr myrkum herbergishornum.
Svona lítur skrímslaspreyið út en það ilmar undursamlega:
Svo virðist sem lausn sé til á öllum vanda, þó ekki væri nema að skrifa óskir á blað, rúlla upp í vöndul og senda þær til himna. Nema ef vera skyldi að grípa til spreyflöskunnar með undursamlega ilminn, úða á ljóta kallinn sem býr undir rúmi og geispa svo út í bláinn, umvafinn englum.
Göldróttu vefverslunina sem allt græðir má svo finna hér.
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
