Aukaverkanir af sprautu gegn leghálskrabbameini

Víða í heiminum eru stúlkur bólusettar gegn HPV-vírus en nú eru aukaverkanirnar að koma fram.

Margar ungar konur hafa fundið fyrir krankleika eftir að hafa fengið HPV bóluefnið, sem á að verja þær gegn leghálskrabbameini.

Ríflega 400.000 danskar stúlkur hafa nú þegar verið bólusettar með HPV-bóluefninu til að varna því að þær fái leghálskrabbamein. Margar þeirra telja nú að þær séu að upplifa alvarlegar aukaverkanir af þessu bóluefni.

Þrálátur höfuðverkur, magaverkir, mikill svimi, minnistruflanir og skert snertiskyn. Þetta eru eingöngu nokkur dæmi um þær alvarlegu aukaverkanir sem dönsku Bólusetningasamtökin  hafa vitneskju um og koma fram í fréttablaði danska Blóðbankans frá júní síðastliðnum. Tilkynnt hefur verið um aukaverkanir hjá 468 konum, þar af 53 alvarlegar. Þess vegna er komin tími til að „yfirvöld taki þær alvarlega“ segir formaður Bólusetningasamtakanna, Else Jensen.

Ég hef vaxandi áhyggjur af aukaverkununum vegna HPV-bóluefnisins – bæði hér í Danmörku og annars staðar í heiminum. Mér finnst vera kominn tími til að við vöknum til vitundar um stöðu mála. Stúlkunum hefur alltaf verið sagt að þær myndu ekki fá neinar alvarlegar aukaverkanir. Samfélagið hefur svikið þær“, segir Else Jensen frá Bólusetningasamtökunum en það eru einkarekin samtök sem gefa upplýsingar um bólusetningar og veita þeim aðstoð sem hafa hlotið skaða af bólusetningum.

Það sem af er þessu ári hafa nú þegar sex ungar konur haft samband við Else. Þær hafa allar fundið fyrir aukaverkunum sem hafa haft hamlandi áhrif á líf þeirra. Þar má nefna minnkandi hreyfigetu, skynvillu og svima. Í Danmörku einni hafa 372.678 stúlkur á aldrinum 12-26 ára fengið fyrstu sprautu af þremur og þar að auki hafa 50.000 eldri konur verið bólusettar. Samtals eru þetta því 422.678 konur.

Það eru tvö bóluefni notuð á Íslandi en það eru Gardasil og Cervarix.

Það eru ekki margar heimildir til á Íslandi um aukaverkanir þessara bóluefna en við hvetjum ykkur, lesendur góðir til að leita að orðunum Gardasil og Cevarix á Google áður en þið ákveðið hvort þessi bólusetning hentar ykkur.

Hér eru líka tenglar á nokkrar áhugaverðar rannsóknir:

https://www.thelancet.com/journals/lancet/article/PIIS0140-6736(20)30068-4/fulltext

https://clinicaltrials.gov/ct2/show/NCT00517309

SHARE