Það er fátt sem toppar þessa köku, svo ljúffeng er hún. Það er vel við hæfi að dekra við sig með einni svona á sjálfan konudaginn. Uppskriftin er fengin af Eldhússögum.

Sjá einnig: Æðisleg kanilsnúðakladdakaka

img_7460

Kladdakaka

  • 100 g smjör
  • 2 egg
  • 3 dl sykur
  • 1 1/2 dl hveiti
  • 5 msk kakó
  • 2 tsk vanillusykur
  • hnífsoddur salt

Bakarofn hitaður í 175 gráður, undir- og yfirhita. Smjörið brætt. Restin af hráefninu sett í skál og brædda smjörinu bætt út, hrært þar til að deigið hefur blandast vel saman. Bakað í smurðu lausbotna formi (ca.22 – 24 cm) eða sílikonformi við 175 gráður í 20 mínútur. Kökunni leyft að kólna í ca 10 mínútur.

IMG_7423

Karamellukrem:

  • 2 dl rjómi
  • 1 dl sykur
  • 1 dl síróp
  • 100 g suðusúkkulaði
  • 100 g smjör

IMG_7439

IMG_7434

Öll hráefnin, fyrir utan smjörið, sett í pott. Hrært í blöndunni og suðan látin koma upp. Blandan látin malla þar til að hún þykknar, tekur ca. 10 mínútur, gott að hræra í svolítið á meðan. Þá er potturinn tekin af hellunni og smjörinu bætt út í. Hrært þar til allt hefur blandast vel saman. Ég lét kremið standa um stund til þess að það yrði aðeins þykkara. Þá er kreminu hellt yfir kökuna og hún látin kólna í ísskáp í ca. 2-3 tíma. Borin fram með þeyttum rjóma og/eða ís, og jafnvel góðri blöndu af berjum.

SHARE