Dr. Phil ömurlegur eiginmaður

Dr. Phil á ekki sjö dagana sæla þessa dagana en hann hefur verið ákærður fyrir alvarlega hluti af fyrrum skjólstæðing sínum.

Hann hefur verið giftur áður en konan sem hann var giftur áður hét Deborah Higgins en hún dó árið 2014. Nú hafa bróðir konunnar og dóttir hennar stigið fram og sagt að Dr. Phil hafi verið henni ömurlegur eiginmaður. Bill, bróðir konunnar, segir að einu sinni hafi systir hans bókstaflega flúið út af heimili sínu og Phil, til að fá verndun. Hún bjó hjá bróður sínum í 2 vikur.

Sjá einnig: Dr. Phil ákærður af fyrrum skjólstæðingi sínum

Bill segir líka að Deborah hafi ekki vitað hvað Dr. Phil var að bauka, allt þeirra hjónaband, fyrr en nágranni þeirra í Kansas, sagði henni frá öllu. Hann sagði henni að þegar hún færi í ræktina, kæmi Phil iðulega með aðrar konur inn á heimilið. Þegar hún fór svo til Dr. Phil með þessar ásakanir sagði hann einfaldlega: „Þú verður að venjast þessu. Það er komið árið 1973 og það eru allir að gera þetta.“. Deborah pakkaði niður dótinu sínu og fór til bróður síns.

„Hún grét á öxlinni minni og sagði mér hversu ömurleg manneskja hann var. Hann hélt mikið fram hjá henni og henni fannst hún svo barnaleg að vera að gráta þennan mann,“ segir Bill í samtali við RadarOnline.

Dóttir konunnar segir að þau hjónin hafi átt heilsulind á þessum tíma en Deborah hafi aldrei mátt koma þangað án þess að boða komu sína. Hún segir einnig að Dr. Phil hafi einangrað hana mikið frá umheiminum og ekki viljað að hún ætti vini. Hún varð að hringja í hann þegar hún fór út og láta hann vita af öllum sínum ferðum. Þau voru gift frá 1970 til 1973.

 

 

 

 

 

SHARE